उद्योजक चर्चा

तमाम मराठी जनतेस,

      महाराष्ट्राची अर्थव्यवस्था भारतातील सर्वात मोठी अर्थव्यवस्था आहे. उद्योग आणि व्यवसाय हा या अर्थव्यवस्थेचा कणा आहे. परंतु महाराष्ट्रात उद्योगव्यवसायाच्या सर्वोच्च स्तरावर परप्रांतातून येऊन इतर समाजांनी मक्तेदारी स्थापन केलेली आहे आणि आपला मराठी समाज याच उद्योगव्यवसायांच्या दारोदारी रोजगार मागत फिरताना दिसतोय. मराठी समाजाने पिढ्यानपिढ्या उद्योग व्यवसायाकडे पाठ फिरवलेली आहे आणि याचे पडसाद खोलवर उमटल्यावर आपण जागे होत आहोत. खूप कमी प्रमाणात  असलेला उद्योग व्यवसायातील मराठी समाज आपल्याला वाढवायचा आहे.

      अजूनही वेळ गेलेली नाही, सुरवात आपण आपल्या मूलाबाळांपासून करू, त्यांना उद्योग व्यवसायाचे बाळकडू शैक्षणिक जीवनातच देण्याचा प्रयत्न करू, त्यामुळे ते शिक्षण संपल्यावर नोकऱ्या शोधत बसणार नाहीत तर प्रत्येक मराठी तरुण व्यवसायाकडे वळेल आणि महाराष्ट्रात  उद्योगव्यवसायात आपली मक्तेदारी प्रस्थापित करू शकेल यात शंका नाही.

           चला तर मग मराठी तरुण उद्योगव्यवसायात आणून, वाढवून तो टिकविण्याच्या या चळवळीत सामील होऊया.